മരതക പട്ടുടയാടമേല്‍
സുവര്‍ണ്ണ നൂലുകള്‍ പോല്‍
നമ്മിലെ സൗഹൃദം
തളിര്ത്തതീ മേട്ടില്‍ ..
ഈ അക്ഷര കൂടിന്റെ
സൌഹൃദ മുറ്റത്തു നാം നട്ട
സ്വപനങ്ങളായിരം പൂപ്പാടം
നമുക്ക് തിരികെ നല്‍കി
അക്ഷരനാളം മനസ്സില്‍ തെളിയിച്ച
എന്‍ പ്രിയ ഗുരുനാഥരെ, നിങ്ങള്‍ക്ക്-
മുന്നിലെന്‍ സാഷ്ടാംഗ നമസ്കാരം
നിങ്ങളാല്‍ നേടിയ അക്ഷരാമൃതം
അത് മാത്രമാണെന്‍ ജീവന്റെ ഉപ്പും
വരുംകാല വഴിയിലെ തേന്‍ നിലാവും
ഇണങ്ങിയും പിണങ്ങിയും
പൊയ്പ്പോയ ദിനങ്ങള്‍
സ്നേഹത്തിന്‍ മുത്തുകളാല്‍
കോര്‍ത്തൊരു ഹാരം പോലെ
ഇനി വരില്ലെങ്കിലും മധുവൂറും ആ
ദിനങ്ങളോക്കെയും മനസ്സില്‍
നിറയ്ക്കുന്നു കൊഴിഞ്ഞ
വസന്തത്തിന്‍ മഴവില്‍ വര്‍ണ്ണങ്ങള്‍
പടിയിറങ്ങുന്നു ഞാന്‍ പരിഭവങ്ങളില്ലാതെ,
കൂടെ കൂട്ടുന്നു ഞാന്‍ വിരഹത്തിന്‍ -
നൊമ്പരവും പിന്നെ സൗഹൃദം എന്നില്‍
വിതറിയ ഒരുപിടി നനുത്ത ഓര്‍മ്മകളും..
Comments
Post a Comment